Euver òs stichting
Stichting Herfshane is opgerich um jongere tösse de vieftiën en twintig jaor te stimulere um leedjes te schrieve, componere en zinge.
Idder jaor melde zich ongeviér 10 jóngere aan en gaon ónder begeleiding van ervare artieste ein trajec in wao-in zeej middels miérdere masterclasses waegwiés waere gemak in ’t schriéve, en vertolke van ein eige vastelaovesleedje.
Dees ervare muzikante hebbe idder ein eige wiés van schrieve en musicere. Dit zörg veur ein soort van kruutsbestuuving en haolt ‘t maximale oét de creativiteit van de deilnemers.
Op ‘t moment det d’n deilnemer tevreeje is met ‘t nummer, gaon we de studio in um ‘t leedje op te neme.
Oétintelik wuurt ’t nummer ein paar waeke veur de vastelaovend oétgebrach op alle streamingdeenste en waere de nummers door de deilnemers geprissenteerd tiedes de artiestenaovend in Café de Locomotief (heej wuurt ouk de winnaer oétgeroope).
De winnaer geit vanaaf det moment, wiés de vastelaovend ’t winnende leedje op zón 15 tot 20 verschillende podia ten gehuure bringe.
De naovolgende zake make ‘t projec zoë biezónder
Naeve ‘t componere en schriéve, doon de deilnemers vuul podiumervaring op
(+/- 25 optraejes)
De deilnemers kriege de kans um ein gehiel eige productie oét d’n aek te dreije, in de vorm van ein eige mezieknummer.
De begeleiding wuurt verzörg door minse die vuul beteikene veur de regionale dialekmeziék.
Stichting Herfshane is uniek, d’r is gen inkele instantie in de regio die dezelfde deenste faciliteert.
Wae zien weej
Sam Vervoort
Veurzitter
Pam Winters
Vice-Veurzitter
Loeke Janssen
Sikkertaris
Sten van Lier
PR
Sem Daemen
Sponsoring
Jaydy Rutten
Veurzitter meziek kemissie
Paula Jordan
Artiesten coach
Niels Winter
Artiesten coach
Mark Verhaegh
Artiesten coach