Stichting Herfshane is in ‘t laeve geroope um jongere tösse de vieftien en twintig jaor aan de moedige um eur passie veur meziek te ontdekke en de ontwikkele. Ze waere waegwiés gemak in ‘t leedjesschriéve, componere en zinge.

Idder jaor melde zich ongeviér 10 jóngere aan en gaon ónder begeleiding van ervare artieste ein trajec in wao-in zeej middels miérdere masterclasses waegwiés waere gemak in ’t schriéve,  en vertolke van ein eige vastelaovesleedje. 

Dees ervare muzikante hebbe idder ein eige wiés van schrieve en musicere. Dit zörg veur ein soort van kruutsbestuuving en haolt ‘t maximale oét de creativiteit van de deilnemers. 

Ut doel van deze masterclasses is um jeugdig talent te stimuleren in de dialekmeziék. Tiedes de artiesteaovend strijden deilnemers um ut golde ei. Ouk is der un pries veur de best geschreve tekst: de veer de Woers.