Met dit gebaar haet de Herfshane gekaoze veur ein bliévend iérbetoeën aan Falco.

Nao ‘t plotselinge euverlieje van ós betrokke bestuurslid en gooje vrind, haet de femilie Dings d’r veur gekaoze um alle donaties te laote toekómme aan ós stichting um daomei de Herfshane te óndersteune um te kinne blieve greuje de kómmende jaore.

Stichting Herfshane wilt gaer eure groeëte dank oétspraeke nao de familie Dings en alle donateurs veur dit fantastisch gebaar.

Op dees wiés zal Falco nog miér verankerd bliéve binne de Herfshane en wuurt deze trofee ein bliévende herinnering aan um.

De Falco Dings Trofee wuurt tiédes de artieste aovend veur ‘t iérs oétgereik aan de winnaer van de Herfshane Artieste Aovend.

De Herfshane Artieste Aovend vindt vanaovend (vriedaag 9 jannewari 2026) plaats vanaaf 19.30 oor in Café de Paris.

Weej haope óg allemaol te meuge verwelkomme vanaovend!