Nao ein onvergaetelik jaor as Boérebroélofsgezelschap kiërt Stichting Herfshane dit jaor truuk mit eur masterclasses en de artieste aovend veur de jeug oét Venlo en umstreke.

Dit onder leiding van ein verniejd bestuur. Nao 8 jaor inzet veur Stichting Herfshane haet Sam Vervoort d’n Veurzittershamer euvergedrage aan Pam Winters. Pam bekleidde aafgeloupe jaor binne ’t Boérebroélofsgezelschap de rol as veurzitster. Taeves vervölde Pam beej Stichting de Herfshane de functie van Vice veurzitter. Nao 8 jaor zal auk Mark Verhaegh zien functie euverdrage.

Veurzitster Pam kiek d’r nao oét um de volgende stappe te gaon zette mit de Stichting de Herfshane. Loeke Janssen zal de rol van vice-veurzitster gaon vervölle.

Daonaeve hit de Herfshane twië nieje gezichte welkom, met Bowe van Nieuwenborg in de rol as veurzitter Sponsoring en Stijn Meerts as veurzitter Pers en Propaganda (P&P).

Vaerder bliéve de vertrouwde gezichte van Jaydie Rutten (veurzitster Meziék), Sten van Lier (Sikkertaris & Events) en Sem Daemen (Penningmeister) actief binne ‘t bestuur van De Herfshane.

Weej zien Sam Vervoort en Mark Verhaegh ziër erkintelik veur eur beejdrage aan Stichting Herfshane!

’t Verniejde bestuur kiék oét nao ein niej vastelaovesseizoen en luuët ouk nog weite det: De Masterclasses van De Herfshane in september weer van start gaon!
Wils dich auk dien eige leedje schriéve, componere en zinge op de Herfshane artieste aovend?